دمشق – سوكة نيوز
قال وزير المالية محمد يسر برنية إنو مصاري النفط والغاز رح تفوت هلأ ضمن الموازنة العامة للدولة، وهاد عكس الشي اللي كان صاير بزمن النظام اللي راح.
وأشار برنية بتصريح خاص لإخبارية يوم التلاتا 24 آذار، إنو 41% من المصروفات العامة بموازنة 2025 مخصصة للرواتب والأجور. وضف إنو المصروفات على القطاعات الأمنية صارت أقل من المصروفات على القطاعات الاجتماعية، وهاد توجه جديد وما صار من قبل.
ووضح برنية إنو السعودية وقطر قدموا منح مالية بقيمة 86 مليون دولار كرمال يدعموا الرواتب والأجور. واعتبر إنو تعديل نظام الرواتب رح يعطي الوزارات قدرة أكبر على تحسين الشغل.
وبين الوزير إنو أكتر من 30 ألف منشأة تضررت، وبمجرد ما يرجعوا يشتغلوا رح يوفروا مئات الآلاف من فرص الشغل. وذكر إنو تقييم حجم الضرر لكل منشأة رح يصير قبل ما يعطوا الإعفاءات، وهاد كرمال يرجعوا يشغلوا المصانع والمنشآت ويحركوا عجلة الاقتصاد. وعبر عن تفاؤلو إنو القوانين والإصلاحات الجديدة رح تساعد بجذب استثمارات جديدة.
ولفت إنو إذا الدولة اضطرت تستدين، رح يكون هاد الشي لأهداف اجتماعية ولمشاريع استراتيجية مهمة. وأكد إنو موضوع الدين الروسي مو مطروح للنقاش حالياً.
وبهالسياق، كان الوزير برنية أكد بيوم 22 آذار الجاري إنو المرسوم الرئاسي رقم 69 بيضمن إعفاءات ضريبية ممكن توصل لـ 100% ولمدة أربع سنين، وهاد الشي بيعتمد على نسبة الضرر اللي لحق بالمنشآت.
وأشار برنية بمنشور إلو على الفيسبوك إنو عدد المنشآت اللي تدمرت بيتجاوز الـ 30 ألف، ومعظمها منشآت صناعية. وقال إنو هاد المرسوم بيجي ضمن حزمة إجراءات ما بتقتصر بس على الإعفاءات الضريبية لأصحاب المنشآت كرمال يشجعوهن يرجعوا يشغلوا محلاتهن، بل بيجي كمان مع مرسوم تاني كتير مهم بيتعلق بمعالجة الديون المتعثرة اللي عم تثقل كاهل بعض أصحاب هالمنشآت. وضف برنية إنو بهالمقاربة عم يشتغلوا من خلال المصرف الصناعي لتقديم تسهيلات وخدمات تمويلية جديدة موجهة للمنشآت المتضررة، ورح يعلنوا عنها قريباً.
اقرأ أيضاً: https://www.sookeh.com/syrian-provinces/homs/مديرية-الموارد-المائية-بحمص-تنظيف-الم/6933/
